الولد بيحب البنت اللي فيها الصفات دي

[ahmed said]

أولا : الولد بيحب البنت الرقيقة

يا بنات رفعوا صوتكم

و أول ما تشوفى حاجه وحشة ..يغمى عليكى من كتر الرقة

العياط دليل على الاحساس المرهف نكدى عليه الليلة .عيطى كتير .

ثانيا: الولد بيحب البنت الرومانسية

سبلى له .اسرحى كتير كلميه عن القمر و حاجات من دى .قوليله شايف القمر يا عتريس

لازم تكونى هيمانه و انتى بتتكلمى . و يكون صوتك واطى .. وشوشية

ثالثا : الولد بيحب البنت المؤدبه

قولى له انه اول واحد فى حياتك حتى لو كنتى متجوزة قبل كده و حامل فى توأم

و لو سأل على انتفاخ بطنك قولى له ده كيس دهنى

و لو عارف و متأكد انه كان لك علاقات كثيرة قبله دى كلها اشاعات ده
هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنتstyle

كل ما تشوفى حاجه جديدة قلديها . يقولوا الموضه الشعر الاصفر
اضربية اصفر .. الموضه القصير .. قصريه

مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك

دى بتغير منك و مش عايزاكى تبقى على الموضه .

ملحوظه : لو مش عارفه ايه الموضه اختارى لك واحدة معينة او مذيعة
وقلديها خليكى نسخة منها

خامسا :الولد بيحب البنت الدلوعة

ادلعى ياختى انت و هى .

سادسا : الولد بيحب البنت الجذابه اللى بتكون محور اهتمام الآخرين

فهميه ان في آخرين كتير معجبين بيكى

و قولى له : ارجوك اوعى تغير انا حواليا كتير .

ولا بيهمنى أبدا منهم ايه يعنى اكون حلوة فى عينهم

ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .


سابعا : الولد بيحب البنت اللى بتحسسه برجولته و تحسسه بنفسة

ايه ده ! .. ايه العضلات دى كلها .. دى احلى عضلات شفتها فى حياتى .

يا سلام !! ايه الشياكة دى كلها . انت أشيك ولد شفته فى حياتى .

مش مهم هو لابس ايه . انبهرى و خلاص

يا سلام !! انت تقاطيع وشك حلوه بشكل ( حتى لو كانت ملخبطه ) و طول

مانتى قاعده اشكرى فيه خليه كده قاعد نافش ريشه . و فرحان بنفسه

ثامنا : اتمحكى فيه ( الزقي له )خليكى دايما معاه

كل شويه كلميه فى التليفون بأى حجة . قابليه فى كل حته يروحها

اعملى عليه كماشة . بحيث مايعرفش يفلفص منك و لا يشوفش غيرك ادامه .

روحى له الشغل

تاسعا: عددى مواهبك

اكلك لازم يكون مظبوط

قوليله انا ملحى فى الاكل لا كتير ولا قليل وبعمل شاى سكر زياده وبلون البيض المسلوق

عاشرا: رغم حبك الشديد للحريه والانطلاق

قوليله انت مالك وقتى وتفكيرى مش عارفه اعمل حاجه الا انى افكر فيك .

مليت على ايامى شغلت لى الزمن .

[lames]

مشكورر على النصايح احمد هههههههههههههههههههههه

[ahmed said]

شكرا لميس على مرورك الجميل وبجد انتى ردودك جميله تسلمى لميس

[KIND PERSON]

يااا لهويز دا انت وقعت الناس فى بعضيها والله لا يقتلها ملل منها انت عاوز ناس ميتة بقى هههههههههههههههههه
حررااا م عليك انت بتقول نصايح غلط خالث صراحة اصلاااا موت ضحك اصلااا بجد تسلم اييدك على الموضوع الجميل دة بجد جميل جدا وطريف جدا بالتوفيق ان شاء الله

[justin]

شكرا ليك على الموضوع وعلى التوبيك
الجاااامد

[GUIT@RA]

كذب الي قال عليك دمك
تقيل والله
انت اليب
عملتوا ده
انت
عملت
خلباطيطه
ههههههههههههههههههههههههههههههههههههههههه

[ddd]

انت هتودي البنات في دهيه يااحمد ياااااااااابنات خليكو علي طبيعتكو دعااااااااااااااااااااء

[mahmoud mahmoud]

كده انت هتخلي البنات تقعد في البيت علي طوووووول
و كلهم هيعنسوا كمان
ههههههههههههههههههههههههههههههههههههههههههه
توبيك روعه بس هيخرب بيت ناس كتيييير
ههههههههههه